اسلام آباد: وفاقی پبلک سروس کمیشن (ایف پی ایس سی) نے سینٹرل سپیریئر سروسز (سی ایس ایس) امتحان 2026 کے تحریری حصے کے نتائج کی متوقع تاریخ کا اعلان کر دیا ہے۔
ایف پی ایس سی کی جانب سے 4 اگست 2026 کو جاری کردہ پبلک نوٹس کے مطابق، سی ایس ایس 2026 کے تحریری امتحان کا نتیجہ ستمبر 2026 کے پہلے ہفتے میں متوقع ہے۔ کمیشن نے امیدواروں کو ہدایت کی ہے کہ وہ امتحان کے عمل سے متعلق تازہ ترین اپ ڈیٹس کے لیے باقاعدگی سے ایف پی ایس سی کی آفیشل ویب سائٹ ملاحظہ کرتے رہیں۔
اس کے علاوہ، سینیٹ کی قائمہ کمیٹی کے حالیہ اجلاس میں سول سروس کے نظام میں بہتری اور فیڈرل پبلک سروس کمیشن کے امور پر بھی تفصیلی غور کیا گیا، جس میں سی ایس ایس کے امتحان کے لیے امیدواروں کی زیادہ سے زیادہ عمر کی حد بڑھانے کی تجویز پر بھی بحث کی گئی۔
