گمبٹ انسٹی ٹیوٹ آف میڈیکل سائنسز (GIMS) نے پاکستان میں پہلی کامیاب سیمی ایکٹو روبوٹک نیورو اسپائن سرجری انجام دے کر ایک نئی طبی تاریخ رقم کر دی۔
یہ تاریخی روبوٹک نیورو اسپائن سرجری ڈاکٹر پیر اسد عزیز، ہیڈ آف روبوٹک نیورو اسپائن سرجری، اور ان کی ماہر ٹیم نے کامیابی سے انجام دی۔ روبوٹک ٹیکنالوجی کے ذریعے سرجری کی درستگی میں اضافہ، خون کے کم ضیاع، کم درد، کم پیچیدگیوں اور مریض کی جلد صحت ٹھیک ہوتی ہے۔
ادارے میں جدید روبوٹک ٹیکنالوجی کے استعمال سے نہ صرف پیچیدہ نیورو اسپائن سرجریاں ممکن ہو رہی ہیں بلکہ مریضوں کو زیادہ محفوظ، مؤثر اور معیاری علاج بھی فراہم کیا جا رہا ہے۔
اس تاریخی کامیابی پر چیئرمین پاکستان پیپلز پارٹی بلاول بھٹو زرداری، وزیراعلیٰ سندھ سید مراد علی شاہ اور وزیر صحت سندھ ڈاکٹر عذرا فضل پیچوہو کی قیادت، سرپرستی اور صحت کے شعبے میں مسلسل سرمایہ کاری کو بھرپور خراجِ تحسین پیش کیا جاتا ہے۔
ان کی کاوشوں کے باعث سندھ کے عوام کو جدید ترین طبی سہولیات اپنے ہی صوبے میں میسر آ رہی ہیں، جو ماضی میں صرف چند ترقی یافتہ ممالک تک محدود تھیں۔
ادارے کے ڈائریکٹر ڈاکٹر رحیم بخش بھٹی کی مؤثر قیادت اور دور اندیش حکمت عملی کے نتیجے میں گمبٹ انسٹی ٹیوٹ آف میڈیکل سائنسز مسلسل نئی طبی کامیابیاں حاصل کر رہا ہے۔
شاندار کامیابی سندھ حکومت کے عوام دوست وژن، جدید طبی سہولیات کے فروغ اور عالمی معیار کی صحت کی خدمات کی فراہمی کے عزم کی روشن مثال ہے۔
