فروری 4، 2026
ویب ڈیسک
اسلام آباد ہائیکورٹ نے شیریں مزاری اور وکلا کی جانب سے ایمان مزاری اور ہادی علی سے جیل ملاقات نہ کرانے اور جیل سہولیات کی فراہمی سے متعلق درخواست پر سماعت کی۔
جسٹس ارباب محمد طاہر نے کیس کی سماعت کی۔ شیریں مزاری اپنے وکیل کامران مرتضیٰ اور دیگر وکلا کے ہمراہ عدالت کے سامنے پیش ہوئیں۔
عدالت نے استفسار کیا کہ کیا سپریڈنٹ اڈیالہ جیل کو درخواست دی گئی ہے۔ عدالت نے ہدایت کی کہ پہلے متعلقہ حکام کو درخواست دی جائے کیونکہ قانون کے مطابق اس طریقۂ کار پر عمل ضروری ہے۔
عدالت نے پٹیشن سپریڈنٹ اڈیالہ جیل کو بھجواتے ہوئے درخواست نمٹا دی اور کہا کہ اگر درخواست مسترد ہو تو دوبارہ عدالت سے رجوع کیا جا سکتا ہے۔ وکیل کامران مرتضیٰ نے سپریڈنٹ کو ایک یا دو دن کا وقت دینے کی استدعا کی۔
