غزہ پر جاری اسرائیلی بمباری کے تازہ ترین سلسلے میں کم از کم 52 فلسطینی جـاں بحق ہو گئے، جن میں آٹھ بچے بھی شامل ہیں۔ یہ حملے اس وقت کیے گئے جب اسرائیل اور حماس کے درمیان قطر میں جنگ بندی کے مذاکرات کا پانچواں دن جاری ہے۔
غزہ کی سول ڈیفنس ایجنسی کے مطابق، وسطی غزہ کے علاقے دیر البلح میں ایک میڈیکل پوائنٹ کے سامنے کیے گئے حملے میں 17 افراد جـاں بحق ہوئے، جن میں بچے اور خواتین بھی شامل ہیں۔
عینی شاہد یوسف العایدی نے بتایا:
"ہم خوراک کے لیے قطار میں کھڑے تھے کہ اچانک ڈرون کی آواز آئی، پھر زور دار دھماکہ ہوا۔ زمین ہل گئی، اور ہر طرف چیخ و پکار تھی۔”
البرَیج کیمپ میں ایک گھر پر علی الصبح حملے میں چار افراد جـاں بحق ہوئے۔ غزہ سٹی، خان یونس اور رفح کے مختلف علاقوں میں مزید 27 افراد حـلاق ہوئے۔
سول ڈیفنس کے محمد المغیر کے مطابق، ایک واقعہ میں ایک خاتون سمیت تین افراد کو امدادی مرکز کے قریب نشانہ بنایا گیا۔ اقوام متحدہ کا کہنا ہے کہ مئی کے آخر سے اب تک 600 سے زائد افراد امدادی سامان کی تقسیم کے دوران جـاں بحق ہو چکے ہیں۔
