مکّہ مکرمہ، 10 جولائی 2025:
خانہ کعبہ کے اندرونی حصے کو آج آبِ زمزم اور عرقِ گلاب سے غسل دیا گیا۔ یہ سالانہ غسلِ کعبہ کی تقریب اسلامی کیلنڈر کے مطابق 15 محرم کو منعقد کی جاتی ہے، جو روحانی طہارت اور نئی ہجری سال کی شروعات کی علامت سمجھی جاتی ہے۔
تقریب میں تقریباً 40 لیٹر آبِ زمزم اور عرقِ گلاب کا استعمال کیا گیا، جسے سفید کپڑوں سے خانہ کعبہ کی دیواروں، فرش اور دروازے پر نرمی سے لگایا گیا۔ اس موقع پر گورنر مکہ، اعلیٰ سعودی حکام، اسلامی ممالک کے نمائندگان، علمائے کرام اور خانہ کعبہ کے متولی شریک تھے۔
غسل کے بعد شرکاء نے نوافل ادا کیے اور امت مسلمہ کے لیے خیر و برکت، امن اور اتحاد کی دعائیں کیں۔ تقریب کے اختتام پر خانہ کعبہ کو خالص عود، بخور، عرقِ گلاب اور دیگر خوشبوؤں سے معطر کیا گیا، جس نے پورے ماحول کو روحانیت سے بھر دیا۔
اس موقع پر خانہ کعبہ کے دروازے سے کِسوہ (غلاف) کو جزوی طور پر ہٹایا گیا تاکہ اندرونی حصہ مکمل طور پر صاف کیا جا سکے، یہ تقریب سنتِ نبوی صلی اللہ علیہ وسلم کی پیروی میں ہر سال منعقد ہوتی ہے۔
یہ روح پرور لمحے دنیا بھر کے مسلمانوں کو اس بات کی یاد دہانی کراتے ہیں کہ اللہ کے گھر کی طرح اپنے دل و دماغ کو بھی پاک صاف رکھنا ایمان کا حصہ ہے۔
