جامعہ کراچی کی جانب سے افواج پاکستان کو خراج تحسین پیش کرنے کیلئے معرکہ حق موٹر سائیکل ریلی کا انعقاد
کراچی : جامعہ کراچی کی جانب سے افواج پاکستان کو خراج تحسین پیش کرنے کیلئے معرکہ حق موٹر سائیکل ریلی کا انعقاد کیا گیا جس میں جامعہ کے طلبہ و طالبات نے شرکت کی۔ ریلی کی قیادت شیخ الجامعہ پروفیسر خالد محمود عراقی نے کی۔
ریلی کے مناظر میں دیکھا گیا کہ شیخ الجامعہ کو موٹر سائیکل پر بغیر ہیلمٹ کے سوار ہیں جو کہ غیر قانونی ہے، جہاں دنیا بھر میں بائیک سواروں کیلئے ہیلمٹ کی اہمیت اور اس کے استعمال کو یقینی بنانے کیلئے مختلف مہمات کا انعقاد کیا جاتا ہے تاکہ جانی و مالی نقصان سے بچا جا سکے وہیں شیخ الجامعہ بغیر ہیلمٹ کے سوار ہو کر منفی پیغام جاری کر رہے ہیں۔
کراچی میں پہلی بار ہیلمٹ نہ پہننے پر کم از کم 300 اور دوبارہ خلاف ورزی کاعمل دہرانے پر چالان کی رقم بڑھ جاتی ہے اور اسی کے ساتھ ساتھ یہاں ٹریفک کا دباؤ زیادہ ہونے کی وجہ سے حادثات کے اعدادوشمار میں سب سے ذیادہ موٹر سائیکل سوار شامل ہیں ہیلمٹ کا استعمال سر اور دماغ کی انجریز سے محفوظ رکھتا ہے جس کے لئے کراچی ٹریفک پولیس کی جانب سے بھی جگہ جگہ ہیلمٹ تقسیم کرنے کاانعقاد کیا گیا تھا۔ وہیں ایک استاد ایک پروفیسر جنہیں بہت سے طالبعلم اپنارہنما سمجھتے ہیں وہ قانون کی پاسداری کے خلاف نظر آتے ہیں،
قانون پر عمل در آمد ہر شہری کا فرض ہے لیکن قانون کی پاسداری کرتے ہوئے لوگ نظر نہیں آتے
ذمہ دار کون۔۔۔۔؟
"قیادت کا نمونہ صرف جامعات نہیں بلکہ سڑکیں بھی قیادت کا عملی نمونہ چاہتی ہیں“
