کوالالمپور — ملائیشیا میں مقیم صارفین کے لیے ایک بڑے اور اہم فیصلے کے تحت ملک کے تمام بینکوں نے یکم جولائی 2026 سے ملک بھر کے آٹومیٹڈ ٹیلر مشینز (ATMs) اور اسمارٹ ری سائیکلر مشینز (SRMs) سے رقم نکلوانے پر عائد انٹر بینک فیس ختم کرنے کا اعلان کر دیا ہے۔
اس نئے حکومتی و کاروباری اقدام کے بعد، اب کسی بھی بینک کے صارفین دوسرے بینک کی اے ٹی ایم یا ایس آر ایم مشین استعمال کرنے پر 1 ملائیشین رنگٹ (RM1) کی کٹوتی سے مستثنیٰ ہوں گے۔ اس فیصلے کے تحت ڈیبٹ کارڈ ہولڈرز ملک بھر میں موجود 14,000 سے زائد اے ٹی ایم مشینوں سے بغیر کسی اضافی چارجز کے جتنی بار چاہیں بالکل مفت نقد رقم نکلوا سکیں گے۔
بدھ کے روز ملائیشیا کی ایسوسی ایشن آف بینکٹس، ایسوسی ایشن آف اسلامک بینکنگ، اور ایسوسی ایشن آف ڈویلپمنٹ فنانس انسٹی ٹیوشنز کی جانب سے جاری کردہ ایک مشترکہ بیان میں کہا گیا ہے کہ یہ سروس ملک بھر کے تمام لائسنس یافتہ بینکوں پر لاگو ہوگی۔ بینکنگ تنظیموں کا کہنا ہے کہ ڈیجیٹل معیشت اور کیش لیس نظام کی طرف تیز رفتار پیش رفت کے باوجود، ملائیشیا کے عوام کی بڑی تعداد کے لیے روزمرہ زندگی میں نقد رقم (کیش) اب بھی ایک بنیادی ضرورت ہے۔ اس فیس کے خاتمے کا مقصد صارفین کے سفری و مالیاتی اخراجات کو کم کرنا اور عام عوام (رعایا) پر روزمرہ کا مالی بوجھ ہلکا کرنا ہے۔
