لندن — شاہی ماہرین نے میگن مارکل کی جانب سے اپنے حالیہ دورۂ برطانیہ کے دوران شہزادی ڈائنا کی قبر پر کھینچی گئی بچوں کی تصاویر کو سوشل میڈیا پر عام کرنے کے فیصلے پر شدید تنقید کی ہے۔ شہزادہ ہیری اور میگن مارکل اپنے بچوں آرچی اور للی بیٹ کے ہمراہ برطانیہ کے نجی دورے پر آئے تھے۔ شاہی مبصر ہیلینا چارڈ نے میڈیا سے گفتگو کرتے ہوئے کہا کہ ڈائنا کے آبائی گھر ‘التھورپ ہاؤس’ سے بچوں کی تصاویر شیئر کرنا ایک متوقع اقدام تھا، جس کا مقصد شاہی خطابات کے بغیر بچوں کا تعلق شاہی تاریخ سے جوڑنا ہے۔ دوسری جانب، شاہی تجزیہ کار ہلیری فورڈوچ کا دعویٰ ہے کہ شہزادہ ولیم اپنی والدہ کی آخری آرام گاہ کو اس طرح میڈیا کی زینت بنانے پر شدید غصے میں ہیں۔ ماہرین نے متنبہ کیا ہے کہ میگن مارکل کے اس اقدام سے شاہی خاندان میں ان کے خلاف بے اعتمادی مزید بڑھے گی اور ملکہ کامیلا سمیت محل کے دیگر اہم عہدیدار ہیری اور میگن کی شاہی خاندان میں واپسی کی کسی بھی کوشش کو ناکام بنانے کے لیے اپنا پورا زور لگائیں گے۔
شہزادی ڈائنا کی قبر پر بچوں کی تصاویر سوشل میڈیا پر شیئر کرنے پر میگن مارکل شاہی ماہرین کی تنقید کا نشانہ
کوئی تبصرہ نہیں ہے۔
