سان ڈیاگو — آسکر ایوارڈ یافتہ اداکارہ مشیل یو نے انکشاف کیا ہے کہ ان کی ساتھی اداکارہ ہنٹر شیفر سائنسی فکشن سیریز بلیڈ رنر 2099 کے ایکشن سین شوٹ کرتے ہوئے سر پر چوٹ لگنے کے باعث ‘کنسیشن’ (دماغی صدمے/چوٹ) کا شکار ہو گئی تھیں۔ جمعہ 24 جولائی کو سان ڈیاگو کامک کان پینل کے دوران گفتگو کرتے ہوئے مشیل یو نے یوفوریا سے شہرت پانے والی 27 سالہ اداکارہ ہنٹر شیفر کو ایک "بے خوف ایکشن ہیرو” قرار دیا جنہوں نے اپنے کردار میں حقیقت رنگ بھرنے کے لیے خطرناک اسٹنٹ خود کیے۔
مشیل یو نے بتایا کہ ہنٹر شیفر اپنے ایکشن سینز کے دوران اس قدر مگن ہو جاتی تھیں کہ وہ حفاظتی پیڈز پہننا بھی بھول جاتی تھیں، جس کی وجہ سے انہیں کئی بار گرنے اور چوٹیں لگنے کا سامنا کرنا پڑا۔ ہنٹر شیفر کے سر پر چوٹ لگنے کے واقعے کے بعد، مشیل یو نے سیٹ پر مذاق کے انداز میں انہیں ایک چھوٹا حفاظتی ہیلمٹ (بیبی ہیلمٹ) بھی تحفے میں دیا تاکہ وہ مستقبل میں محفوظ رہ سکیں۔ اس پینل سیشن میں دونوں اداکاراؤں کے ہمراہ شو رنر سلکا لوئیسا اور ایگزیکٹو پروڈیوسرز اینڈریو کوسو اور بروڈرک جانسن بھی موجود تھے جنہوں نے سیریز کے مختلف پہلوؤں پر روشنی ڈالی۔
