16 جون 2025:
گرو ارجن دیو جی کے یوم شہادت کی مرکزی تقریب پیر کے روز لاہور میں واقع گوردوارہ ڈیرہ صاحب میں منعقد ہوئی۔
تقریب سے خطاب کرتے ہوئے صوبائی وزیر برائے اقلیتی امور سردار رامیش سنگھ اروڑا نے کہا کہ پاکستان میں مذہبی اقلیتوں کو مکمل تحفظ حاصل ہے اور ان کے مذہبی و آئینی حقوق کا بھرپور خیال رکھا جا رہا ہے۔
انہوں نے اعلان کیا کہ پنجاب حکومت نے صوبے بھر میں 15 تاریخی گردواروں کی بحالی کے لیے خصوصی بجٹ مختص کیا ہے۔
رامیش سنگھ نے یہ بھی واضح کیا کہ بھارتی سکھ یاتریوں کے لیے پاکستان کی جانب سے ویزے کی کوئی پابندی نہیں، اور ان کے مذہبی مواقع پر آمد و رفت کی سہولت کے لیے واہگہ بارڈر کھلا رکھا گیا ہے۔
