اسلام آباد — تحریک تحفظ آئین پاکستان نے سپریم کورٹ آف پاکستان کے سامنے احتجاج کرنے کا فیصلہ کر لیا ہے۔ اپوزیشن اتحاد کے ارکان جمعرات کی صبح گیارہ بجے عدالت عظمیٰ کے باہر جمع ہوں گے اور اپنے تحفظات ریکارڈ کروائیں گے۔
ذرائع کے مطابق پی ٹی آئی کے سینیٹرز، اراکین قومی اسمبلی اور اراکین پنجاب اسمبلی کو مظاہرے میں شریک ہونے کی ہدایت جاری کر دی گئی ہے۔
اپوزیشن اتحاد کا کہنا ہے کہ وہ 27ویں آئینی ترمیم کے خلاف اور بانی پی ٹی آئی سے متعلق مقدمات کی سماعت نہ ہونے پر احتجاج کریں گے۔
