لاہور: پاکستان کرکٹ بورڈ (پی سی بی) نے جمعرات کو آئندہ آئی سی سی انڈر 19 ورلڈ کپ 2026 اور زمبابوے میں کھیلی جانے والی سہ فریقی سیریز کے لیے 15 رکنی پاکستانی اسکواڈ کا اعلان کر دیا۔
فرحان یوسف آئندہ ایونٹس میں بھی پاکستان انڈر 19 ٹیم کی قیادت جاری رکھیں گے۔
افغانستان، پاکستان اور میزبان زمبابوے پر مشتمل سہ فریقی سیریز 25 دسمبر سے 6 جنوری تک کھیلی جائے گی۔
یہ سیریز آئی سی سی انڈر 19 ورلڈ کپ 2026 کی تیاری کے طور پر کھیلی جائے گی، جو 15 جنوری سے 6 فروری تک نمیبیا اور زمبابوے میں منعقد ہوگا۔
دونوں ٹورنامنٹس 50 اوورز فارمیٹ میں کھیلے جائیں گے۔
