حکومت نے پنجاب میں مختلف ہسپتالوں کے ایم ایس کے تقرر و تبادلے کر دیئے، سپیشلائزڈ ہیلتھ کیئر نے نوٹیفکیشن جاری کر دیا۔
پروفیسر ڈاکٹر حفیظ معین الدین جناح ہسپتال لاہور کے میڈیکل سپرنٹنڈنٹ مقرر، پروفیسر محسن شاہ کو ایم ایس کے عہدے سے ہٹا کر پی ایم او جناح ہسپتال خالی سیٹ پر تعینات کر دیا گیا ہے۔
نوٹیفکیشن کے مطابق ڈاکٹر عبدالرحمان کو بہاول وکٹوریہ ہسپتال بہاولپور کا میڈیکل سپرنٹنڈنٹ تعینات کر دیا گیا جبکہ ڈاکٹر اعجاز احمد بٹ ہولی فیملی ہسپتال راولپنڈی کے ایم ایس مقرر ہو گئے۔
ڈاکٹر مامون اکبر قریشی کو میاں منشی ڈی ایچ کیو ہسپتال لاہور منتقل کر دیا گیا، ڈاکٹر رانا خرم آفتاب کو گورنمنٹ ٹیچنگ ہسپتال شاہدرہ کا میڈیکل سپرنٹنڈنٹ بنا دیا گیا۔
نوٹیفکیشن کے مطابق ڈاکٹر کامران آصف چلڈرن ہسپتال ملتان کے میڈیکل سپرنٹنڈنٹ مقرر جبکہ ڈاکٹر سعود افضل عزیز بھٹی شہید ٹیچنگ ہسپتال گجرات کے ایم ایس تعینات ہو گئے۔
ڈاکٹر فیصل وحید ساہیوال ٹیچنگ ہسپتال، ڈاکٹر سید فخر عباس شاہ نشتر ٹو ملتان کے میڈیکل سپرنٹنڈنٹ مقرر، ڈاکٹر امتیاز احمد رانا گوجرانوالہ ٹیچنگ ہسپتال کے ایم ایس تعینات ہو گئے۔
محکمہ صحت پنجاب کی جانب سے تقرریاں PCS ایکٹ 1974 کے تحت کی گئیں۔
