ستمبر 12، 2025
ویب ڈیسک
لاہور:
مون سون کی حالیہ بارشوں کے بعد لاہور میں موسم خشک اور گرم ہونے لگا ہے۔ محکمہ موسمیات کے مطابق بارشوں کے رکنے کے ساتھ ہی درجہ حرارت میں بتدریج اضافہ دیکھا جا رہا ہے، جس سے گرمی کی شدت بڑھنے لگی ہے۔
محکمہ موسمیات کا کہنا ہے کہ شہر میں کم سے کم درجہ حرارت 26 ڈگری سینٹی گریڈ ریکارڈ کیا گیا، جبکہ زیادہ سے زیادہ درجہ حرارت 33 ڈگری سینٹی گریڈ تک جانے کا امکان ہے۔ بڑھتی ہوئی گرمی کے باعث گھروں اور دفاتر میں اے سی اور دیگر برقی آلات کے استعمال میں اضافہ ہوگیا ہے۔
محکمہ موسمیات کے مطابق آئندہ 24 گھنٹوں کے دوران شہر کا موسم خشک رہنے کا امکان ہے، تاہم شہریوں کو گرمی سے بچاؤ کے لیے احتیاطی تدابیر اختیار کرنے کی ہدایت کی گئی ہے۔
