رائل چیلنجرز بینگلورو (RCB) کی IPL 2025 کی پہلی جیت کا جشن افسوسناک سانحے میں بدل گیا، جب بدھ کے روز چنا سوامی اسٹیڈیم، بینگلورو کے باہر بھگدڑ مچنے سے کم از کم 11 افراد جاں بحق ہو گئے۔
اس واقعے کے بعد کھلاڑیوں کی اوپن بس پریڈ فوری طور پر منسوخ کر دی گئی۔ RCB نے پنجاب کنگز کو شکست دے کر اپنی پہلی IPL ٹرافی جیتی تھی۔ بدھ کی دوپہر کھلاڑیوں کو وزیراعلیٰ کرناٹک سدارمیا نے اعزاز سے نوازا، جبکہ ویرات کوہلی اور کپتان راجت پٹیدار نے اسٹیڈیم میں موجود ہزاروں مداحوں سے خطاب بھی کیا۔
ذرائع کے مطابق بھگدڑ اس وقت شروع ہوئی جب بڑی تعداد میں مداح اسٹیڈیم کے باہر جمع ہو گئے اور سیکیورٹی رکاوٹیں توڑ کر آگے بڑھنے لگے۔ حکام نے واقعے کی تحقیقات شروع کر دی ہیں۔
