آر ایم اور وی نے فوج سے رخصتی لے لی، بی ٹی ایس کی دوبارہ ملاقات قریب تر

دنیا بھر میں مقبول K-pop گروپ BTS کے مداحوں کے لیے خوشخبری ہے گروپ کے دو اہم رکن RM اور V نے اپنی فوجی خدمات مکمل کر لی ہیں اور باضابطہ طور پر واپس آ گئے ہیں۔

ان کی واپسی کی خبر نے سوشل میڈیا پر دھوم مچا دی ہے، جہاں پرستاروں نے جذباتی پیغامات، فن پارے، اور دعائیں شیئر کیں۔ RM، جو گروپ کے لیڈر ہیں، اور V، جو اپنی دلکش آواز اور انداز کے لیے مشہور ہیں، نے بھرپور انداز میں قومی خدمت انجام دی۔

ادھر، جمن (Jimin) اور جونگکک (Jungkook) بھی جلد ڈسچارج ہونے والے ہیں، جبکہ میڈیا رپورٹس کے مطابق شوگا (Suga) کی سروس 21 جون کو مکمل ہو جائے گی۔

BTS نے 2022 میں اپنی سرگرمیاں وقتی طور پر معطل کی تھیں تاکہ تمام ارکان جنوبی کوریا کی لازمی فوجی خدمات انجام دے سکیں۔ اب جب کہ بیشتر ارکان واپسی کے قریب ہیں، پرستار 2025 میں ممکنہ مکمل گروپ کم بیک کے لیے پرجوش ہیں، جس کی امید خود ان کی ایجنسی HYBE بھی دلا چکی ہے۔

آرمی (ARMY) — BTS کے مداح — اس تاریخی لمحے کے لیے مکمل تیار ہیں۔