کراچی: پاکستانی ڈیجیٹل انفلوئنسر اور قومی کرکٹر عماد وسیم کی سابقہ اہلیہ ثانیہ اشفاق نے سوشل میڈیا پر ایک نئی ویڈیو شیئر کی ہے جس نے ان کے مداحوں میں کھلبلی مچا دی ہے اور ان کی زندگی کے ایک نئے باب شروع کرنے کے حوالے سے قیاس آرائیاں کی جا رہی ہیں۔
ثانیہ اشفاق اپنی طلاق کے بعد سے سوشل میڈیا پر کافی متحرک رہی ہیں اور اپنے ذاتی معاملات پر کھل کر بات کرتی ہیں۔ اپنی تازہ ترین انسٹاگرام پوسٹ میں وہ روایتی سرخ دلہن کے لباس اور خوبصورت کندن کے زیورات میں ملبوس نظر آ رہی ہیں۔ ویڈیو میں وہ ایک شخص سے پوچھتی ہیں، "میں کیسی لگ رہی ہوں؟” جس کے جواب میں وہ کہتا ہے، "تم میری دلہن جیسی لگ رہی ہو۔” اس ویڈیو کے کیپشن میں ثانیہ نے لکھا: "الحمدللہ، میں نے اپنی زندگی کا ایک نیا باب شروع کر دیا ہے۔”
اس پوسٹ کے سامنے آتے ہی مداحوں نے کمنٹ سیکشن میں مبارکباد اور نیک تمناؤں کے پیغامات کا تانتا باندھ دیا۔ تاہم، دوسری طرف کئی سوشل میڈیا صارفین کا یہ بھی ماننا ہے کہ یہ ویڈیو کسی حقیقی شادی کا نہیں بلکہ کسی نئے ماڈلنگ پروجیکٹ یا برائیڈل شوٹنگ کا حصہ ہو سکتی ہے۔
