پاکستان کرکٹ بورڈ (پی سی بی) نے قومی ٹی20 ٹیم کے آئندہ سری لنکا دورے کا مکمل شیڈول جاری کر دیا ہے۔
اعلامیے کے مطابق پاکستان ٹیم تین ٹی ٹوئنٹی میچوں پر مشتمل سیریز کھیلنے کے لیے سری لنکا جائے گی۔ تینوں میچز دمبولا اسٹیڈیم میں 7، 9 اور 11 جنوری کو شیڈول کیے گئے ہیں۔ یہ دورہ ٹی20 ورلڈ کپ 2026 کی تیاریوں کے حوالے سے انتہائی اہم قرار دیا جا رہا ہے۔
ٹی20 ورلڈ کپ 7 فروری سے 8 مارچ تک بھارت اور سری لنکا میں منعقد ہوگا، جبکہ پاکستانی ٹیم میگا ایونٹ میں اپنے تمام گروپ میچز کولمبو میں کھیلے گی۔
