پاکستان اور بنگلادیش کی ویمن انڈر 19 کرکٹ ٹیموں کے درمیان ٹی ٹوئنٹی سیریز کا آغاز کل کاکس بازار میں ہوگا۔
سیریز کی ٹرافی کی رونمائی دونوں ٹیموں کی کپتانوں کی موجودگی میں انجام دی گئی۔ پانچ میچوں پر مشتمل یہ سیریز کاکس بازار کرکٹ اکیڈمی گراؤنڈ میں کھیلی جائے گی، جبکہ تمام مقابلے بنگلادیش کرکٹ بورڈ کے یوٹیوب چینل پر براہِ راست نشر کیے جائیں گے۔
ٹرافی انویلنگ تقریب میں پاکستان کی کپتان ایمان نصیر اور بنگلادیش کی قائد سعدیہ اسلام نے شرکت کی۔
اس موقع پر ایمان نصیر نے کہا کہ پاکستانی اسکواڈ مکمل توازن رکھتا ہے، فاسٹ بولرز اور اسپنرز کا اچھا کمبی نیشن موجود ہے اور پوری ٹیم سیریز کے لیے پُرجوش ہے۔
انہوں نے مزید کہا کہ کپتانی ایک ذمہ داری بھی ہے اور چیلنج بھی، لیکن ساتھی کھلاڑیوں اور ٹیم مینجمنٹ کا بھرپور اعتماد اور سپورٹ حوصلہ بڑھاتا ہے۔
