9 دسمبر 2025
سعودی عرب کے شہر ینبع میں طوفانی بارشوں کے باعث نشیبی علاقوں میں پانی جمع ہوگیا، تیز ہواؤں سے متعدد عمارتوں کی چھتیں گر گئیں، کھڑکیوں کے شیشے ٹوٹ گئے۔ ملبے تلے آکر کئی گاڑیاں بھی تباہ ہوگئیں ۔
سعودی عرب کے مختلف شہروں میں گرج چمک کے
ساتھ طوفانی بارشوں اور تیز ہواؤں نے نظامِ زندگ مفلوج کردیا، جب کہ کئی عمارتوں کو نقصان پہنچا اور نشیبی علاقوں میں پانی جمع ہوگیا۔ حکام نے شہریوں کو محتاط رہنے اور غیر ضروری سفر سے گریز کی ہدایت جاری کردی۔
ینبع، ربیغ اور مدینہ میں عمارتوں کی چھتیں گرنے اور کھڑکیوں کے شیشے ٹوٹنے کی اطلاعات
شدید بارش سے سڑکیں پانی میں ڈوب گئیں، ٹریفک کی روانی متاثر
بعض علاقوں میں اسکول بند، ایمرجنسی ٹیمیں سرگرم
متعدد گاڑیاں ملبے تلے دب گئیں، ریسکیو آپریشن جاری
National Center for Meteorology (NCM) نے پہلے ہی شدید موسم کی پیشگوئی کرتے ہوئے وارننگ جاری کی تھی۔ ملک کے مختلف حصوں میں تیز ہواؤں، آندھی اور گرج چمک کے ساتھ بارش کا سلسلہ جاری ہے، جس سے شہری علاقوں اور ہائی ویز پر صورتحال مزید خراب ہونے کا خدشہ ہے۔
حکام کی ہدایات
حکام کا کہنا ہے کہ شہری گھروں میں رہیں، بجلی کے کھمبوں اور غیر محفوظ عمارتوں سے دور رہیں، اور ہنگامی صورت میں فوری طور پر ریسکیو اداروں سے رابطہ کریں۔
