اسلام آباد کے تھانہ لوئی بھیر کی حدود میں نوجوان لڑکی پر سنگین تشدد کا واقعہ سامنے آیا ہے۔ ابتدائی معلومات کے مطابق وفاقی دارالحکومت میں قائم ایک مساج سینٹر میں لڑکی پر مبینہ تشدد اور بلیک میلنگ کی گئی۔
ذرائع کا کہنا ہے کہ مساج سینٹر کے مالکان اور بااثر افراد نے مبینہ طور پر متاثرہ لڑکی کو شدید تشدد کا نشانہ بنایا، جبکہ ذلت آمیز سلوک کے دوران اس کے بال کاٹ کر اسے گنجا بھی کردیا گیا۔
یہ واقعہ لوئی بھیر کے ایک مساج سینٹر میں پیش آیا۔ ایس ایس پی آپریشنز نے واقعہ کا فوری نوٹس لیتے ہوئے ملزمان کے خلاف مقدمہ درج کرنے اور فوری گرفتاری کا حکم دے دیا ہے۔ پولیس مزید تفتیش کر رہی ہے۔
