کراچی : کراچی کے علاقے کورنگی ضیا کالونی میں گھر پر ڈکیتی کی کوشش کے دوران فائرنگ سے باپ اور بیٹا شدید زخمی ہوگئے۔ ابتدائی اطلاعات کے مطابق ڈاکو فائرنگ کے بعد فرار ہونے کی کوشش کر رہے تھے کہ اسی دوران پولیس موقع پر پہنچ گئی۔
پولیس نے ملزمان کا تعاقب کرتے ہوئے جوابی فائرنگ کی، جس کے نتیجے میں ایک ڈاکو زخمی حالت میں گرفتار کرلیا گیا۔ چھیپا حکام کے مطابق زخمی ڈاکو کو حراست میں لے کر اسپتال منتقل کردیا گیا۔
زخمی باپ، بیٹے اور گرفتار ملزم کو فوری طور پر جناح اسپتال پہنچا دیا گیا، جہاں انہیں طبی امداد فراہم کی جا رہی ہے۔ پولیس واقعے کی مزید تفتیش کر رہی ہے۔
