بھارتی کرکٹ بورڈ (بی سی سی آئی) کے دباؤ کے بعد کرکٹ جنوبی افریقا نے آئی پی ایل کھیلنے والے کھلاڑیوں کو دی گئی واپسی کی تاریخ میں نرمی کر دی ہے۔
پہلے کھلاڑیوں کو 26 مئی تک وطن واپس بلانے کا فیصلہ کیا گیا تھا تاکہ وہ ورلڈ ٹیسٹ چیمپئن شپ (WTC) فائنل کی تیاری میں شامل ہو سکیں، تاہم اب این او سی کی مدت 3 جون تک بڑھا دی گئی ہے۔
کرکٹ جنوبی افریقا کے ڈائریکٹر اینوک اینکوی نے کہا کہ ہم نے آئی پی ایل اور بی سی سی آئی کو اپنے شیڈول سے آگاہ کیا ہے، مگر اب فیصلہ اعلیٰ سطح پر بات چیت کے بعد کیا گیا ہے۔ جنوبی افریقی اسکواڈ 3 جون سے ٹریننگ کا آغاز کرے گا۔
واضح رہے کہ جنوبی افریقا اور آسٹریلیا کے درمیان ورلڈ ٹیسٹ چیمپئن شپ کا فائنل 11 جون سے لارڈز میں کھیلا جائے گا۔
