حب میں فائرنگ اور تشدد کے مختلف واقعات میں ایک خاتون سمیت دو افراد جاں بحق اور ایک زخمی ہوگیا۔
ایدھی ذرائع کے مطابق، حب کے عدالت روڈ کے قریب واقع ایک گھر میں فائرنگ سے ایک خاتون جاں بحق ہوگئیں۔ خاتون کی نعش سول ہسپتال منتقل کی گئی، جہاں ضابطے کی کارروائی کے بعد نعش ورثا کے حوالے کردی گئی۔ پولیس نے واقعے کا مقدمہ درج کر کے مزید تحقیقات شروع کر دی ہیں۔
ایک اور واقعے میں حب کے علاقے جام کالونی مشکے پاڑہ سے ایک شخص کی نعش ملی، جسے ہسپتال منتقل کیا گیا۔ ہسپتال ذرائع کے مطابق، نعش پر تشدد کے نشانات تھے، تاہم مرنے والے کی شناخت ابھی تک نہیں ہو سکی۔
علاوہ ازیں، پلوچ کالونی کے قریب فائرنگ کے نتیجے میں رحمت اللہ ولد غلام مصطفیٰ نامی نوجوان زخمی ہوگیا۔ اسے حب سول ہسپتال منتقل کر دیا گیا، جہاں اس کا علاج جاری ہے۔
