لاہور میں ناجائز تعلقات کے شبے میں خاتون نے شوہر اور بھتیجی کی جان لے لی۔
میڈیا رپورٹس کے مطابق لاہورکے علاقے باغبانپورہ میں خاتون نے ناجائز تعلقات کے شبے میں اپنے شوہر اور 16 سالہ بھتیجی کو تیز دھار آلے سے قتل کر دیا۔
بتایا گیا ہے کہ خاتون زینب کو اپنے شوہر اور بھتیجی کے درمیان مبینہ ناجائز تعلقات کا شک ہوا جس پر خاتون نے شوہر شوکت کو میکے بلا کراس پر تیز دھار آلے سے حملہ کیا اور اس کے ساتھ ہی ناصرف اپنے 50 سالہ شوہر بلکہ بھتیجی کو بھی قتل کردیا۔
پولیس حکام کا کہنا ہے کہ گھر کے دیگر افراد کی جانب سے اس دوہرے قتل کی اطلاع ملتے ہی پولیس موقع پر پہنچ گئی اور پولیس نے فوری طور پر ملزمہ زینب کو آلہ قتل سمیت گرفتار کرلیا۔
جب کہ مقتولین کی لاشوں کو تحویل میں لیے جانے کے بعد پوسٹ مارٹم کے لیے مردہ خانے منتقل کردیا گیا، تاہم پولیس کو شک ہے کہ گھر کے دیگر افراد بھی نے بھی اس واردات میں خاتون کی معاونت کی۔
