ممبئی – ساؤتھ انڈین فلم انڈسٹری کے معروف اداکار رشمیکا مندانا اور وجے دیوراکونڈا ایک بار پھر خبروں کی زینت بن گئے ہیں، کیونکہ بھارتی میڈیا میں یہ رپورٹس گردش کر رہی ہیں کہ دونوں اداکار آئندہ برس فروری 2026 میں شادی کے بندھن میں بندھنے جا رہے ہیں۔
بھارتی میڈیا رپورٹس کے مطابق رشمیکا اور وجے، جنہوں نے مقبول فلم "گیتا گوندھم” میں ایک ساتھ کام کیا تھا، نے مبینہ طور پر اکتوبر 2025 میں حیدرآباد میں ایک نجی تقریب کے دوران منگنی کی۔ بتایا جا رہا ہے کہ یہ تقریب وجے دیوراکونڈا کی رہائش گاہ پر منعقد ہوئی، جس میں صرف قریبی رشتہ داروں نے شرکت کی۔
تاہم دونوں اداکاروں نے تاحال اس حوالے سے کوئی باضابطہ اعلان نہیں کیا۔
حالیہ دنوں میں سوشل میڈیا پر ان کی منگنی کی قیاس آرائیاں اس وقت مزید تیز ہو گئیں جب مداحوں نے ایک ویڈیو میں رشمیکا کی انگلی میں انگوٹھی دیکھی۔
اپنی نئی فلم "تھمّا” کی تشہیر کے دوران جب رشمیکا سے منگنی کے بارے میں سوال کیا گیا تو انہوں نے مسکراتے ہوئے مختصر جواب دیا، "سب کو اس کے بارے میں معلوم ہے۔”
اگرچہ دونوں نے اب تک خاموشی اختیار کر رکھی ہے، لیکن مداح ان کے تعلق کے حوالے سے کسی سرکاری اعلان کے منتظر ہیں۔
