کراچی: پاکستانی گلوکار اور اداکار عاصم اظہر نے اپنی سابق منگیتر میراب علی سے متعلق وائرل ویڈیو پر وضاحت پیش کر دی۔
سوشل میڈیا پر گردش کرنے والی اس ویڈیو میں میراب علی کو عاصم اظہر کے لائیو کنسرٹ میں موجود دیکھا گیا، جہاں وہ ان کے مشہور گانے “دوستی ایسا ناتا” پر پرفارم کر رہے تھے۔ ویڈیو وائرل ہوتے ہی مداحوں میں چہ مگوئیاں شروع ہو گئیں کہ شاید دونوں کے درمیان دوبارہ تعلقات بحال ہو گئے ہیں۔
تاہم عاصم اظہر نے ان افواہوں کی تردید کرتے ہوئے واضح کیا کہ یہ ویڈیو پرانے کنسرٹ کی ہے۔ انہوں نے میڈیا پیجز سے اپیل کی کہ عوام میں خبریں پھیلانے سے پہلے ان کی تصدیق ضرور کریں۔
گلوکار کے اس پُرسکون ردِعمل کو سوشل میڈیا صارفین کی جانب سے سراہا جا رہا ہے
