پاکستانی اداکارہ علیزہ شاہ ایک بار پھر مداحوں کے درمیان موضوعِ گفتگو بن گئی ہیں۔ اداکارہ — جو عہدِ وفا، عشق تمناشا اور تنا بنا جیسے ڈراموں میں اپنی اداکاری سے پہچانی جاتی ہیں — نے اچانک اپنے انسٹاگرام اکاؤنٹ سے تمام پوسٹس ڈیلیٹ کر دیں اور سب کو اَن فالو کر کے صرف ایک پراسرار اکاؤنٹ کو فالو رکھا ہے۔
علیزہ اس وقت صرف ایک اکاؤنٹ @spooki_dad کو فالو کر رہی ہیں، جو خوفناک اور ہارر تھیم پر مبنی مناظر اور عجیب و غریب مواد سے بھرا ہوا ہے۔ مداح اس غیر معمولی حرکت پر حیران بھی ہیں اور کچھ حد تک پریشان بھی۔
سوشل میڈیا پر قیاس آرائیاں جاری ہیں کہ شاید علیزہ کسی نئے پروجیکٹ کی تیاری کر رہی ہیں، یا پھر یہ ان کے کسی نئے تخلیقی یا ذاتی مرحلے کی علامت ہے۔
علیزہ شاہ جو اکثر اپنے بولڈ اسٹائل، بدلتے انداز اور پراسرار سوشل میڈیا ایکٹیویٹی کی وجہ سے خبروں میں رہتی ہیں، اس بار بھی کسی وضاحت کے بغیر خاموش ہیں۔ ان کی یہ خاموشی مداحوں کے تجسس میں مزید اضافہ کر رہی ہے کہ آخر علیزہ کی زندگی میں اس وقت کیا چل رہا ہے۔
