علی پور کے تھانہ صدر کے علاقے میں نجی اسکول کی ایک ٹیچر سے مبینہ زیادتی اور نازیبا ویڈیو سوشل میڈیا پر وائرل کرنے میں ملوث ملزم کو پولیس نے گرفتار کر لیا ہے۔
پولیس کے مطابق متاثرہ خاتون کی درخواست پر مقدمہ درج کیا گیا۔ ابتدائی تفتیش میں انکشاف ہوا ہے کہ ملزم خاتون کو مسلسل جنسی ہراسگی کا نشانہ بناتا رہا اور ناجائز مراسم سے انکار پر مبینہ طور پر نازیبا ویڈیوز سوشل میڈیا پر وائرل کیں۔
پولیس کا کہنا ہے کہ متاثرہ کی شکایت پر قانونی کارروائی عمل میں لاتے ہوئے ملزم کو گرفتار کر لیا گیا ہے، جبکہ واقعے سے متعلق مزید تفتیش جاری ہے۔
