لاہور کے تھانہ چوہنگ کی حدود میں فائرنگ کا واقعہ پیش آیا، جس کے نتیجے میں سابق ایکسائز ملازم جاں بحق ہوگیا۔
پولیس کے مطابق نامعلوم موٹر سائیکل سوار ملزمان نے فائرنگ کرکے سابق ایکسائز اہلکار کو نشانہ بنایا، جس سے وہ موقع پر ہی دم توڑ گیا۔
واقعے کی اطلاع ملتے ہی پولیس موقع پر پہنچ گئی، جہاں مقتول کی شناخت رانا آفتاب احمد کے نام سے ہوئی۔
ابتدائی تفتیش کے مطابق مقتول نجی ہاؤسنگ سوسائٹی میں واقع اپنے گھر سے باہر نکلا ہی تھا کہ دو موٹر سائیکل سوار افراد نے اس پر فائرنگ کی اور فرار ہوگئے۔
پولیس نے واقعے کی تحقیقات شروع کر دی ہیں جبکہ ملزمان کی تلاش جاری ہے۔
