مانسہرہ : مانسہرہ میں زمین کے تنازع پر دو گروپوں کے درمیان فائرنگ کے تبادلے میں 4 افراد جاں بحق جبکہ 2 زخمی ہو گئے۔
ریسکیو حکام کے مطابق زخمیوں کو ابتدائی طبی امداد کے بعد ایوب میڈیکل کمپلیکس ایبٹ آباد منتقل کر دیا گیا ہے۔
پولیس نے بروقت کارروائی کرتے ہوئے ایک ملزم کو گرفتار کر لیا ہے جبکہ دیگر کی گرفتاری کے لیے چھاپے مارے جا رہے ہیں۔ پولیس حکام کا کہنا ہے کہ واقعے کی مکمل تحقیقات کا آغاز کر دیا گیا ہے تاکہ تنازع کی نوعیت اور ملزمان کی ذمہ داری کا تعین کیا جا سکے۔
