میاں والی، 8 اگست: کاؤنٹر ٹیررازم ڈپارٹمنٹ (سی ٹی ڈی) نے جمعہ کے روز میاں والی میں انٹیلیجنس کی بنیاد پر آپریشن (آئی بی او) کیا، جس میں دو دہشت گرد ہلاک جبکہ چھ فرار ہونے میں کامیاب ہوگئے۔
سی ٹی ڈی کے ترجمان کے مطابق، مارے گئے دہشت گردوں کے قبضے سے اسلحہ، ہینڈ گرینیڈ اور بارودی مواد برآمد ہوا۔ ترجمان نے بتایا کہ فرار ہونے والے دہشت گردوں کی گرفتاری کے لیے سرچ آپریشن جاری ہے۔
یہ امر قابل ذکر ہے کہ رواں سال مئی میں بھی سی ٹی ڈی نے میاں والی کے علاقے رحمانی خیل میں اسی نوعیت کا آپریشن کیا تھا، جس میں تین دہشت گرد مارے گئے جبکہ چھ فرار ہوگئے تھے۔
