نیویارک — بین الاقوامی خبر ایجنسیوں کے مطابق ڈیموکریٹ مسلمان امیدوار ظہران ممدانی نیویارک کے میئر منتخب ہوگئے ہیں، جو امریکی سیاست میں ایک تاریخی لمحہ قرار دیا جا رہا ہے۔
ظہران ممدانی جنوبی ایشیائی نژاد پہلے مسلمان ہیں جنہوں نے نیویارک جیسے بڑے امریکی شہر کی قیادت سنبھالی ہے۔ الیکشن میں نوجوانوں، مزدور طبقے اور تارکین وطن ووٹرز نے انہیں بھرپور حمایت دی، جس کے نتیجے میں ان کی واضح کامیابی ممکن ہوئی۔
جیت کے بعد اپنے خطاب میں ممدانی نے کہا کہ وہ ایک “منصفانہ اور جامع نیویارک” کی تعمیر کے لیے پرعزم ہیں، جہاں ہر شہری کو مساوی مواقع حاصل ہوں۔ سیاسی مبصرین کے مطابق ان کی کامیابی امریکا میں ترقی پسند اور متنوع قیادت کے بڑھتے ہوئے اثر و رسوخ کی عکاسی کرتی
ہے۔
