کراچی: پولیس نے کارروائی کرتے ہوئے بچھڑے کا گوشت “چھوٹے گوشت” یعنی دبنے بکرے کے نام پر فروخت کرنے والے منظم گروہ کو گرفتار کر لیا۔
پولیس کے مطابق کارروائی خفیہ اطلاع پر تھانہ غربی کی حدود میں کی گئی جس کے دوران سات ذبح شدہ بچھڑے برآمد ہوئے۔ ابتدائی تفتیش میں انکشاف ہوا کہ ملزمان طویل عرصے سے شہریوں کو دھوکا دے کر بڑے جانور کا گوشت بطور چھوٹا گوشت فروخت کر رہے تھے۔
پولیس حکام کا کہنا ہے کہ گرفتار ملزمان مختلف مشہور ہوٹلوں اور ریسٹورنٹس کو یہ گوشت سپلائی کر رہے تھے۔ مزید تفتیش جاری ہے تاکہ اس گھناؤنے کاروبار میں ملوث دیگر افراد اور ہوٹل مالکان کو بھی قانون کے کٹہرے میں لایا جا سکے۔
حکام نے کہا کہ عوام کی صحت سے کھیلنے والوں کے خلاف بلا امتیاز کارروائیاں جاری رہیں گی۔
کینٹ پولیس کے مطابق گرفتار ملزم پشاور کے معروف ہوٹلوں کو بھی بچھڑے کا گوشت چھوٹے گوشت کے نام پر فروخت کرتا تھا۔ ضلعی انتظامیہ کی اطلاع پر مشترکہ کارروائی کے دوران ملزم کو حراست میں لیا گیا
