خبر از حکیم اللہ یوسفزئی
کراچی میں صبح سے خوشگوار موسم کا سلسلہ جاری ہے، جزوی طور پر ابر آلود آسمان اور تازہ سمندری ہوائیں شہر کو معطر کر رہی ہیں۔ درجہ حرارت اس وقت 33 سے 34 ڈگری سینٹی گریڈ کے درمیان ہے، جبکہ ہواؤں کی رفتار 45 کلومیٹر فی گھنٹہ تک پہنچ گئی ہے۔
آئندہ کے لیے پیش گوئی کی گئی ہے کہ صومالی تھرسٹ کا اثر کل سے بڑھنے کا امکان ہے، جس کے باعث رات گئے یا صبح سویرے ہلکی بارش یا بوندا باندی ہو سکتی ہے۔ تاہم، شہر میں کسی شدید ہیٹ ویو کے امکانات فی الحال موجود نہیں۔
