کراچی کے مختلف علاقوں میں فائرنگ کے الگ الگ واقعات میں کم عمر لڑکی سمیت چار افراد زخمی ہو گئے۔
تفصیلات کے مطابق اورنگی ٹاؤن کے علاقے سیکٹر ساڑھے گیارہ، رئیس امروہوی گوٹھ کے قریب فائرنگ کے واقعے میں ایک نوجوان لڑکی زخمی ہو گئی، جسے فوری طبی امداد کے لیے عباسی شہید اسپتال منتقل کیا گیا۔ اسپتال میں اس کی شناخت 17 سالہ بسمہ کے نام سے ہوئی۔
اقبال مارکیٹ پولیس کے مطابق لڑکی کو نامعلوم سمت سے آنے والی گولی لگنے کا شبہ ہے۔
دوسری جانب سپر ہائی وے کے قریب مدینہ کالونی، اسکیم 33 میں فائرنگ کے واقعے میں 45 سالہ میرا خان زخمی ہو گیا، جسے علاج کے لیے جناح پوسٹ گریجویٹ میڈیکل سینٹر منتقل کیا گیا۔
پولیس نے واقعات کی تحقیقات شروع کر دی ہیں۔
