کراچی: شہر قائد کے علاقے لالا آباد میں سکھن پولیس اور مشتبہ ڈاکوؤں کے درمیان مبینہ مقابلہ ہوا، جس کے دوران ایک ملزم زخمی حالت میں گرفتار کر لیا گیا جبکہ اس کا ساتھی موقع سے فرار ہونے میں کامیاب ہو گیا۔
پولیس کے مطابق گرفتار زخمی ملزم کی شناخت شکیل کے نام سے ہوئی ہے، جس کے قبضے سے اسلحہ اور دیگر مشتبہ سامان برآمد کیا گیا۔ فرار ملزم کی گرفتاری کے لیے کارروائیاں جاری ہیں، جبکہ واقعے کی مزید تفتیش کی جا رہی ہے۔
