کراچی پولیس نے گزشتہ ایک ہفتے کے دوران شہر بھر میں مختلف کارروائیاں کرتے ہوئے 681 ملزمان کو گرفتار کر لیا۔
ترجمان کراچی پولیس کے مطابق گرفتار ملزمان سے لاکھوں روپے مالیت کی 38 کلو 567 گرام چرس کے علاوہ آئس، کرسٹل اور ہیروئن برآمد کی گئی۔
کارروائیوں کے دوران سیکڑوں کلوگرام گٹکا ماوا بھی ضبط کیا گیا، جبکہ ملزمان کے قبضے سے 122 غیر قانونی اسلحہ اور ایمونیشن بھی برآمد ہوئے۔
اسی دوران 27 موٹر سائیکلیں اور دو بڑی گاڑیاں بھی برآمد کی گئیں۔ ترجمان کا کہنا ہے کہ شہر سے جرائم پیشہ عناصر کے مکمل خاتمے تک پولیس کی کارروائیاں بلا تعطل جاری رہیں گی۔
