کراچی: کراچی کے علاقے ڈیفنس میں پیش آنے والی ڈکیتی کی واردات میں پولیس نے خاتون سمیت پانچ ملزمان کو گرفتار کر لیا ہے۔
پولیس کے مطابق 10 دسمبر کو تین ملزمان نے ایک گھر میں ڈکیتی کی اور قیمتی سامان لوٹ کر فرار ہو گئے تھے، جس پر گزری تھانے میں مقدمہ درج کیا گیا۔
ایف آئی آر کے مطابق ملزمان سونے کا سیٹ، چار سونے کی چوڑیاں، چار انگوٹھیاں، نقد پاکستانی رقم اور درہم لوٹ کر لے گئے تھے۔
پولیس کا کہنا ہے کہ گرفتار تمام ملزمان سے مزید تفتیش جاری ہے تاکہ واردات میں ہر فرد کے کردار کا تعین کیا جا سکے۔
