بھارتی ریاست تامل ناڈو میں ایک دل دہلا دینے والا واقعہ سامنے آیا ہے جہاں شوہر نے اپنی بیوی کو قتل کرنے کے بعد لاش کے ساتھ سیلفی لے کر سوشل میڈیا پر پوسٹ کردی۔
بھارتی میڈیا کے مطابق سری پریا نامی خاتون ایک نجی کمپنی میں ملازمہ تھی اور گھریلو جھگڑوں کے باعث شوہر سے علیحدہ رہ رہی تھی۔ گزشتہ روز اس کا شوہر بالاموگن اس سے ملنے کے لیے ہاسٹل پہنچا، جس کے کپڑوں میں ایک تیز دھار آلہ چھپا ہوا تھا۔
پولیس کے مطابق ملاقات کے دوران دونوں کے درمیان جھگڑا ہوگیا، جس کے بعد ملزم نے چھپایا ہوا تیز دھار آلہ نکال کر سری پریا کو بے رحمی سے قتل کردیا۔
حیران کن طور پر، ملزم نے بیوی کو قتل کرنے کے بعد اس کی لاش کے ساتھ سیلفی لی اور اسے اپنا واٹس ایپ اسٹیٹس بنا دیا۔ اس نے دعویٰ کیا کہ اسے بیوی کی بے وفائی کا شبہ تھا۔
واقعے کے بعد ہاسٹل میں بھگدڑ مچ گئی، تاہم ملزم موقع سے فرار نہیں ہوا بلکہ وہیں پولیس کا انتظار کرتا رہا۔ پولیس نے پہنچ کر اسے گرفتار کرلیا اور آلۂ قتل بھی برآمد کرلیا۔
ابتدائی تفتیش سے معلوم ہوا ہے کہ ملزم کو شبہ تھا کہ اس کی بیوی کسی اور شخص کے ساتھ تعلقات رکھتی تھی۔
