کراچی – کورنگی نمبر 5 کے علاقے میں نشے کے عادی شخص نے جھگڑے کے دوران اپنے ہی ساتھی کو سمنٹ کے بلاک سے سر پر وار کر کے قتل کر دیا۔
پولیس کے مطابق واقعہ فیملی پارک کے قریب پیش آیا، جہاں دو نشے کے عادی افراد کے درمیان جھگڑا ہوا۔ جھگڑے کے دوران محمد علی نامی شخص نے اسلم کے سر پر وزنی بلاک دے مارا، جس سے وہ موقع پر ہی جاں بحق ہوگیا۔
لاش کو جناح اسپتال منتقل کر دیا گیا، جہاں ضروری کارروائی جاری ہے۔ پولیس نے ملزم محمد علی کو موقع سے گرفتار کر کے تفتیش شروع کر دی ہے۔
