ممبئی – بالی ووڈ کے مشہور فلم ساز کرن جوہر نے اپنی شہرۂ آفاق فلم کچھ کچھ ہوتا ہے کی 27ویں سالگرہ کے موقع پر ایک جذباتی پوسٹ شیئر کی، مگر مداحوں نے فوراً یہ محسوس کیا کہ اس پوسٹ میں سلمان خان کا ذکر موجود نہیں تھا۔ کرن جوہر نے شاہ رُخ خان، کاجول اور رانی مکرجی کی تصاویر کے ساتھ ایک پیغام لکھا، لیکن سلمان خان، جنہوں نے فلم میں یادگار کردار ’امان‘ نبھایا تھا، ان کا کوئی تذکرہ نہیں کیا گیا۔
سوشل میڈیا پر سلمان خان کے چاہنے والے اس بات پر افسوس کا اظہار کرتے نظر آئے اور یاد دلایا کہ امان کا کردار اس فلم کے جذباتی توازن اور کامیابی کا ایک اہم حصہ تھا۔ کئی صارفین نے اسے نظرانداز کرنا ناانصافی قرار دیا۔
ابھی تک نہ کرن جوہر اور نہ ہی سلمان خان نے اس معاملے پر کوئی ردِعمل دیا ہے، مگر یہ بحث ایک بار پھر 90 کی دہائی کے اُس سنہری دور کی یاد تازہ کر گئی جب کچھ کچھ ہوتا ہے نے بالی ووڈ میں رومانس کو ایک نیا رنگ دیا تھا۔
