کراچی: گلزار ہجری میں ایک بااثر شخص کی جانب سے غریب شہری کو مبینہ طور پر اغوا کر کے فریا چوک میں واقع اپنے دفتر لایا گیا اور وہاں شدید تشدد کا نشانہ بنایا گیا۔ ویڈیو میں دیکھا جا سکتا ہے کہ متاثرہ شخص کو مرغا بنا کر ذلیل کیا جا رہا ہے اور تشدد کیا جا رہا ہے۔
اطلاعات کے مطابق متاثرہ شہری ایک گیس کی دکان میں شریکِ کاروبار تھا۔ دوسرے پارٹنر نے مبینہ طور پر شراکت ختم کرنے کے لیے بااثر شخص کی مدد سے اسے تشدد کا نشانہ بنایا اور کاروبار چھوڑنے پر مجبور کیا۔ ویڈیو میں بااثر شخص کے ہاتھ میں ہتھیار بھی موجود ہے جبکہ ویڈیو بنانے والا شخص اسے ریکارڈنگ نہ کرنے کا کہہ رہا ہے۔ پولیس کی جانب سے تاحال ایف آئی آر درج ہونے کی تصدیق نہیں کی گئی۔
