اس سال کا ہالووین ویک اینڈ فلم انڈسٹری کے لیے مایوس کن ثابت ہوا، کیونکہ 2025 کے دوران یہ باکس آفس کا سب سے کمزور ویک اینڈ بن گیا۔ شمالی امریکا سمیت دنیا بھر کے سنیما گھروں میں تماشائیوں کی آمد نہ ہونے کے برابر رہی، حالانکہ کئی نئی فلمیں ریلیز کی گئیں۔
رپورٹس کے مطابق کوئی بھی بڑی فلم باکس آفس پر نمایاں کارکردگی نہیں دکھا سکی، جبکہ پہلے سے چلنے والی فلموں کی کمائی میں بھی واضح کمی دیکھنے میں آئی۔ ماہرین کا کہنا ہے کہ اس کی بڑی وجوہات میں اس بار بڑے بجٹ کی فلموں کی عدم موجودگی اور اسٹریمنگ پلیٹ فارمز کی بڑھتی مقبولیت شامل ہیں۔
عام طور پر ہالووین کے موقع پر ہارر اور تھرلر فلمیں ناظرین کو سینما گھروں تک کھینچ لیتی ہیں، لیکن اس سال ریلیز ہونے والی فلموں میں وہ کشش نظر نہیں آئی۔ فلمی تجزیہ کاروں کا کہنا ہے کہ فلم اسٹوڈیوز اب اپنی ریلیز حکمت عملیوں پر نظرِ ثانی کر رہے ہیں تاکہ سال کے اختتام سے قبل باکس آفس میں بہتری لائی جا سکے۔
یہ صورتحال فلم انڈسٹری کے بدلتے رجحانات کی عکاس ہے، جہاں ناظرین اب سینما کی بجائے گھروں میں اسٹریمنگ پلیٹ فارمز پر فلمیں دیکھنے کو ترجیح دینے لگے ہیں۔
