ہری پور کی ضلعی انتظامیہ نے حلقہ NA-18 کے ضمنی انتخاب کے باعث تین روزہ مقامی تعطیل کا اعلان کیا ہے۔ اس دوران 22، 23 اور 24 نومبر کو حلقے کے تمام سرکاری اور نجی اسکول بند رہیں گے۔
انتظامیہ کے مطابق یہ فیصلہ انتخابی سرگرمیوں کے دوران کسی بھی ناخوشگوار صورتحال سے بچنے اور امن و امان برقرار رکھنے کے لیے کیا گیا ہے۔ ضمنی انتخاب 23 نومبر کو ہوگا، اور حکام نے اسکولوں کو ہدایت کی ہے کہ انتخابی انتظامات کو بہتر بنانے کے لیے کلاسیں معطل رکھی جائیں۔
دوسری جانب ملک کے مختلف علاقوں میں موسمِ سرما کی تعطیلات کی تیاریاں بھی جاری ہیں۔ بلوچستان کے سرد اضلاع میں 16 دسمبر سے ڈھائی ماہ کی طویل تعطیلات ہوں گی، جہاں شدید سردی کے باعث طلبہ کو زیادہ چھٹیاں دی جائیں گی۔
پنجاب میں موسمِ سرما کی چھٹیاں 23 دسمبر 2025 سے 11 جنوری 2026 تک ہوں گی، جبکہ 12 جنوری کو دوبارہ اسکول کھل جائیں گے۔
