کراچی – میمن گوٹھ حیدر شاہ مزار کے قریب پولیس اور ملزمان کے درمیان مبینہ مقابلے کے نتیجے میں تین ملزمان زخمی حالت میں گرفتار کر لیے گئے۔
پولیس کے مطابق گرفتار ملزمان کی شناخت گلزار، وحید اور فہیم کے ناموں سے ہوئی ہے۔ ملزمان کے قبضے سے اسلحہ اور ایک موٹر سائیکل برآمد کی گئی۔
ترجمان پولیس کے مطابق ملزمان شہریوں سے لوٹ مار کے بعد فرار ہو رہے تھے کہ گشت پر موجود پولیس پارٹی نے انہیں روکنے کی کوشش کی، جس پر فائرنگ کا تبادلہ ہوا۔ گرفتار ملزمان سے مزید تفتیش جاری ہے اور ان کے مجرمانہ ریکارڈ کی جانچ کی جا رہی ہے۔
