نومبر 7، 2025
ویب ڈیسک
ایف آئی اے نے ہفتے کے روز کے لیے سطح 4 کی بارش کی وارننگ جاری کر دی ہے، جو اس کے موسمی نظام میں سب سے زیادہ خطرناک درجہ ہے۔ محکمے کے مطابق تیز بارش اور ممکنہ گرج چمک کے امکانات ہیں، جس سے اسپرنٹ ریس اور کوالیفائنگ کے انعقاد پر خدشات بڑھ گئے ہیں۔
جمعہ کے روز موسم خشک رہنے کا امکان ہے، جس سے ٹیموں کو پریکٹس کے دوران اہم ڈیٹا حاصل کرنے کا موقع ملے گا۔ تاہم ہفتہ کی صبح حالات یکسر بدل سکتے ہیں، کیونکہ صبح 9 بجے سے پہلے 80 فیصد بارش کا امکان ظاہر کیا گیا ہے، جو اسپرنٹ ریس کے آغاز سے چند گھنٹے پہلے ہے۔
ایف آئی اے کے مطابق دوپہر کے بعد بارش میں کچھ کمی آسکتی ہے، مگر موسم نم رہنے کا امکان برقرار ہے۔ اندازہ ہے کہ بارش کی شدت سطح 2 یا 3 تک کم ہو جائے گی، لیکن ساؤ پالو کا موسم اکثر لمحوں میں بدل جاتا ہے۔
اتوار کے روز موسم نسبتاً بہتر دکھائی دے رہا ہے، صرف 20 فیصد بارش کے امکان کے ساتھ۔ تاہم ٹیمیں محتاط ہیں، کیونکہ انٹرلاگوس میں ایک اور بارش زدہ ویک اینڈ چیمپئن شپ کی صورتحال کو مکمل طور پر بدل سکتا ہے۔
