کراچی: شہر کے علاقے کلفٹن میں عبداللہ شاہ غازی کے مزار کے قریب فٹ پاتھ پر سوئے ہوئے افراد پر کار چڑھ جانے سے دو افراد جاں بحق ہوگئے۔
ریسکیو ذرائع کے مطابق گاڑی اچانک فٹ پاتھ پر چڑھ گئی جس کے نتیجے میں فٹ پاتھ پر سوئے ہوئے دونوں افراد موقع پر ہی دم توڑ گئے۔
ریسکیو اہلکاروں نے لاشوں کو ضابطے کی کارروائی کے لیے قریبی اسپتال منتقل کردیا، جبکہ پولیس نے حادثے کے اسباب جاننے کے لیے تفتیش شروع کردی ہے۔
