نومبر 12، 2025
ویب ڈیسک
سعودی فرماں روا شاہ سلمان بن عبدالعزیز نے بارش کی کمی کے باعث جمعرات 13 نومبر کو پورے مملکت میں نمازِ استسقا ادا کرنے کی اپیل کی ہے۔
سعودی گزٹ کے مطابق شاہی عدالت کی جانب سے جاری بیان میں کہا گیا ہے کہ شاہ سلمان بن عبدالعزیز نے شہریوں سے توبہ و استغفار کرنے، اللہ تعالیٰ کی طرف رجوع کرنے، ملازمین کے ساتھ نرمی کا برتاؤ کرنے اور خیرات و نیکی کے کاموں میں بڑھ چڑھ کر حصہ لینے کی تلقین کی ہے۔
حرمین شریفین کے ایکس اکاؤنٹ پر جاری اطلاع کے مطابق مسجد الحرام میں نمازِ استسقا کے امام و خطیب شیخ یاسر الدوسری ہوں گے۔
یاد رہے کہ اس سے قبل 17 اکتوبر کو متحدہ عرب امارات کی مساجد میں بھی نمازِ استسقا ادا کی گئی تھی۔
