راولپنڈی: گنجمنڈی پولیس نے کارروائی کرتے ہوئے کرکٹ میچ پر جوا کرانے والے دو ملزمان کو گرفتار کرلیا۔
پولیس کے مطابق چھاپے کے دوران داؤ پر لگی 52 ہزار روپے نقدی برآمد کی گئی، جب کہ ملزمان کے زیر استعمال کار اور موبائل فون بھی قبضے میں لے لیے گئے۔
پولیس نے ملزمان کے خلاف مقدمہ درج کر کے انہیں حراست میں لے لیا۔
ایس پی راول سعد ارشد کے مطابق گرفتار افراد کو ٹھوس شواہد کے ساتھ عدالت میں چالان کیا جائے گا۔
